ماهر المعتصم بالله الجوهري متنصر رفع قضيه علشان ياخد حقه ويكتب ديانته الحقيقيه طلبوا منه شهادة من الكنيسه المصريه تقول انهم قبلوه انه يبقا مسيحي ولما جاب لهم الشهاده الي هما عاوزينها لانهم كانوا فاكرين انه الكنيسه مش حترضي تديله شهادة قبول انضمامه للكنيسه وبعد ما جاب الورقه الي هما عاوزينها برضه رفضوا القضيه
فين بقا نزاهه القضاء المصري الي بيقولوا عليها وليه اعطوا الحق للمتحوليين للبهائيه انهم يغيروا اوراقهم ويمسحوا كلمه العار الي في البطاقه كلمه مسلم حتي البهائيين قرفوا من كلمه مسلم
اشمعني القضاء النزيه اعطي الحق للمتحول من المسيحيه للاسلام انه يغير اوراقه من مسيحي الي مسلم في ساعات معدوده
وبعد كل ده ورفض القضيه حس ماهر انه مالهوش مكان في بلده وحس انه مالهوش الحق زي اي مواطن مصري انه يعيش حتي انه علي حد تعليقه بيقول احنا بنتعامل في مصر اوسخ معامله حتي انه مابقاش يقدر يمشي في الشارع الناس كلها بقدرة قادر بقوا متدينيين وكلهم بقوا عارفين ان انهم ازاي يكرهوا الي يسيب الاسلام ويحدفوه بالطوب هو و بنته
فكر ماهر انه يسيب البلد ويروح في اي مكان تاني يحس فيه انه انسان ولكن في المطار منعوه بحجه انه ممنوع من السفر بامر جهه سياديه انا عاوزة اعرف الجهه السياديه ديه خلاص قبضت ومنعت كل المجرمين انهم يسافروا بفلوس البلد ويهربوا المخدرات خلصت الجهه السياديه علي كل دول وفضيوا بقا للمتنصريين
الجهات السياديه كلمه تفوح منها رائحه الفساد يعني المجرميين الحقيقيين يسافروا وصت حراسات خاصه وعن طريق صالات السفر الخاصه بكبار الزوار اما المتنصرين فيمنعوا من السفر
بس كفايه اننا كمتنصرين مطيرين النوم من عينيكم ومخلينكم زي الجزم قدام البلاد التانيه وحنفضل نفضحكم ونفضح خيبتكم قدام العالم كله وكفايه ان ماهر وقف قدامكم ومكانش خايف منكم وقالكم بلد زباله في وشكم وانتوا ماقدرتوش تعملوا له حاجه
انتوا عايزين مننا ايه لو زورنا تقبضوا علينا وتقولوا مزورين ولو حاولنا نخرج تمنعونا بحجه الجهه السياديه كلمه قالها ماهر في وش امن الدوله في مطار القاهرة
هناك ١١ تعليقًا:
ازيك يا أسماء أخبارك إيه ؟ انا بعرض عليكي يا أسماء إنك تكوني إنسانة صادقة مع نفسك ولو لمرة واحده بس في حياتك ، نفسي يا أسماء يكون ليكي فكرك وعقليتك الخاصة بيكي ، بلاش تفكري بعقل حد تاني وبلاش تخلي أي مخلوق في الدنيا مهما كان إنه يفكرلك ، أنا بعرض عليكي المناظرة يا أسماء في أي موضوع تختاريه أياً كانت في الإسلاميات أو في النصرانيات وسواء كانت المناظرة ده في مدونتي أو في مدونتك وسواء كنتي لوحدك أو معاكي حد بس تكوني بس صادقة مع نفسك ومخلصة في تفكيرك
منتظر ردك يا أسماء
الاخ اللى اسمه خالد المصرى بيقول انه" متخصص فى فضح المنصرين الخنازير" بس عاوز اقوله من فضله القلب يتكلم اللسان.
يا ابنى ربنا بيحب كل الناس وجيه لكل الناس مش اليهود بس اللى بيقوله انهم شعب الله المختار ولا المسلمين اللى بيقوله انهم خير امه اخرجت للناس
وبعدين صديقنى صلى لربنا وقوله عرفنى انت مين بلاش تنشف دماغك علشان التعصب لدين معين.
انت اللى يمهك ان ترضى ربنا قوله عرفنى انت مين لاحسن تروح لمكان ما ينفع فيه الندم
ربنا يبركك ويحافظ على حياتك
بصى يا أسماء ببساطة كده ومن غير فلسفة كل واحد حر فى اختيار عقيدته وانا ماليش حق أسألك مجرد سؤال اتنصرت ليه ولا اتهودتى ازاى لأن ده موضوع شخصى ويخصك قبل أى حد تانى .
تمام كده , أنا عايز بقا أعرف حرية العقيدة دى اختفت فين لما أسلمت السيدة وفاء قسطنطين لأن البابا اعتكف فى وادى النطرون والمسيحين عملوا مظاهرة متشرفش حد هتفوا فيها لبوش وشارون كل ده
لغاية ما خدوها
دلوقت جاء الدكتور زغلول النجار وقال قتلوها يبقا المنطقى وحيث أن ده اتهام صريح بالقتل يبقا واجب تبرئة نفسنا
سألنا يا جماعة انتم صحيح قتلتوها زى ما قال زغلول النجار ؟
كانت الإجابة أن وفاء قسطنطين قالت للنائب العام أنها ولدت مسيحية وستعيش مسيحية طبعا ده شيء عظيم بس للأسف مش إجابة على السؤال لأننا مسألناش وقولنا هى مسلمة ولا مسيحية عشان
بصراحة ده موضوع يخصها قبل أى حد لكن من غير فلسفة سؤالنا كان هى فين وفاء أساسا ؟ مش عايزين نعرف إذا كانت أسلمت ولا مسيحية لأنها ببساطة عاشت حياتها مسيحية وتزوجت من قسيس
مسيحي وانجبت أطفال مسيحيين كل هذا ومحدش سألها أو فكر يسألها انتى مسيحية ازاى أو مسيحية ليه ؟ عشان ده باختصار مش موضوعنا وما يخصش حد غيرها.
دلوقت بقا وفاء قسطنطين فين ؟
طبعا انتى عارفه محدش يقدر يروح الدير يسال عنها ولا حتى الأمن اللى بتتكلمى عليه يبقا دلوقت قدامنا حل ممتاز انتى بقا بقيتى مسيحية يبقا انتى أختها فى المسيح وكمان هى إنسانة زيك متكلمتش
بنص كلمة على المسيحية بعدما أسلمت لأن المسلمين مش عايزينها بوق دعاية ولا أداة تجريح لأى حد إنما اى واحد تتنصر تصبح الصبح فى كل مكان الإسالم فيه والإسلام مفيهش ده كله والمسيح قالها
صراحة لا تدينوا كيلا تدانوا فانت وجدت المسيح زى ما بتقولى يبقا متسمحيش لحد يوظفك فى تجريح الأخرين والطعن على عقائهم خصوصا وقد بيننا أن هذا ضد تعاليم المسيح الذى أوصى تلاميذه بألا
يدينوا كيلا يدانوا .
أما بخصوص ماهر المعتصم فهو يقول تنصر من السبعينات كده يبقا تمام لكن بقا عايز اعرف اللى اتنصر من السبعينات بيتزوج من 4 سيدات مسلمات ليه بصفته مسلم ؟ مش ده برضه اسمه نصب
وتزوير وغش وخداع وقلة أدب وشغل صعاليك مالوش دعوة بالمسيح اساسا ؟ صح كلامى ولا دى شطارة ولا كفتسة ولا أيه بالضبط ؟ المسيحية تكتفى بزوجة واحده فلماذا يتزوج بأربعة نساء مسلمات
وبصفته مسلم ؟ وهل لو كان قال لهم مسيحي كانوا هيوافقوا يرتبطوا بيه ؟ يبقا ده إسمه أيه يا أمورة ؟
متنسيش بقا تسأليهم عن وفاء قسطنطين وتسألى هى فين أساسا وإوعى يكون سؤالك عن ديانتها لأن ده شيء يخصها فقط السؤال يكون هى فين وفاء اساسا ؟ وطبعا متخليش حد يستعبطك بالإجابة إياها
أنها مسيحية وعاشت مسيحية والكلام الخوازيقى ده لأن مش ده السؤال ؟ السؤال هى فين ؟ ولو قالوا لك هى بخير قولى عايزة أتعرف عليها واقعد معها شوية باعتبارها أختك فى المسيح .
ولو شوفتيها ابقى بلغينى عشان اترنم شوية وهلللللييللللويا وكلام من ده .
نسيت بقا نقطة كمان صغيرة
المتحدث الرسمى باسم البهائيين هو المدعو
رؤوف هندى حليم جرجس
وهو بالمناسبة مسيحي سابق شعر بالخزى فيما يبدو من إسم الديانة فمسحه بكل فخر وهو مبسوط من الشرطة اللى حصل عليها فى بطاقته وليس الشرطة بأنجس من غيرها
سؤال واضح
من الفشـــار يا ســـادة ؟
بمجرد الضجة التى أثارها الدكتور زغلول النجار عن مقتل وفاء قسطنطين تصفحت الكثير من المواقع التة تناولت الحكاية ومن المواقع كانت مواقع أكبار المهجر وهالنى ما رأيت من قلة أدب وغسيل أمخاخ لا علاقة له بالحقيقة مطلقا فوجدتهم - أخزاهم الله - بدلا من أن يقدموا إجابة شافية للناس تنفى عنهم تهمة القتل وجدت كل تعليقاتهم سبابا وقدحا فى حق الدكتور زغلول النجار
فلقد أصابتهم لوثة عقلية وأفقدتهم الصدمة توازنهم فعلقوا على الموضوع مسميين الدكتور زغلول النجار بقولهم شخلول الفشار وما هو بفشار هم أنفسهم الفشار وأعود إلى السؤال
من الفشار يا سادة ؟
هلى الفشار هو من أشار لمقتلها ولم نستطع أن نرد عليه أم هو من قال أنها ستظهر فى قناة أجابى ولم تظهر أبدا .
من هو الفشار ؟
سلام لمن يقبل سلام الرب يسوع المسيح
الاخ خالد المصري انت عاوز تناظرني صح
كويس جدا بس انت عاوز تناظرني ليه ده سؤال عاوزة اعرف اجابته
وكمان علميا لو حد استطاع التفكير بعقل حد تاني فده يعتبر نبوغ لانك بتستخدم عقل حد تاني في التفكير وده بيدل علي انك تستطيع التحكم بعقول الاخرين وكمان تفهم عقول الاخرين
وبعدين حكايه الصدق مع النفس ديه حاجه مطلوبه منك انت كمسلم مش مني انالاني مش معقول اني اعرض حياتي للخطر لاني طبعا لما اتنصر حبقا مرتده والي حيقتلني حيبقا فاكر انه بيقدم خدمه للاسلام
فانا صريحه مع نفسي جدا وفضلت اني اعلن ايماني عن اني اكتمه واخاف
وبعدين فين تعليقك علي موضوع ماهر الجوهري
سلام الرب يسوع المسيح يا اخ اسامه
احنا كمان علينا دور يا اخ اسامه اننا نصلي لغير المؤمنين ونصلي ان ربنا يفتح عنيهم ويعرفوا الاله الحقيقي
بص يا اخ عجايب وغرائب
اولا لو وفاء قسطنطين مسلمه ماكنتوش سكتوا وسبتوها في الدير زي ما بتقولوا وانت عارف قصدي مين الي يقدر يجيبها لو في بطن امها
ثانيا انا مالي ومال الست وفاء مسلمه او مسيحيه ما تفرقش معايا صدقني
ثالثا اشمعني انت شاغل نفسك بوفاء اوي ومش شاغل نفسك ببنات دينك الي بيبيعوا نفسهم علشان ياكلوا ويشربوا وكلوا شرعي طبعا يعني ابسط مثال بيبيعوا نفسهم سنه والا سنتين للعرب علشان ياخدوا قرشين يعيشوا بيهم اهليهم
والبنات الي بتروح تخدم في الخليج علي اساس شغل وانت فاهم
والبنات والسيدات الي ماليين السجون بسبب الجرائم المتعددهما بتفكرش فيهم ليه
حل مشاكلهم ودور عليهم وبعدين ابقا دور علي وفاء يا سيدي
صحيح عجائب وغرائب صحيح
وبعدين اشمعني الي بيأسلم بتتغير اوراقه واسمه وجواز سفره ويبقا كله تمام في ساعات اشمعني المتنصرين ما بيحصلش معاهم كده
وعلي فكرة اذا كنت فاكر اننا لما بنقول حقائق اسلاميه يعني كلام موجود في الاسلام مش بنجيب حاجه من عندنا وانت فاكر ان ده تجريح يبقا ديه مشكلتك انك عارف ان دينك فيه حاجات تجرح
وكمان مين قالك ان ماهر اتجوز اربعه انت جبت صحيفه سوابقه
ومين الي قال ان الست الي اتجوزها وهو متنصر مش متنصرة زيه
واذا كان هو غلط ولسه في العرق الاسلاميه بتاع تعدد الزوجات ما تبقاش كفتسه بقا لا ديه تبقا الطبع يغلب التطبع ومن عاشر القوم اربعين يوم وشوف هو عاش في الاسلام كام اربعين يوم
وانت عايز تقول ان تعدد الزوجات ده شغل صعاليك وغش وقله ادب علي حد تعليقك تبقا ديه مشكلتك ورايك في دينك وشريعتك
انت حر
متلويش رقبة الكلام يا شاطرة
لأن الصعلقة المقصود بيها النصب ده يقول تنصر من السبعينات يعنى بينه وبين نفسه بقى مسيحى يبقا يتجوز من 4 مسلمات بصفته مسلم ليه ؟ وهل لو قال لهم إنه ترك الإسلام وعاش الكفتسة كانوا هايرتبطوا بيه ولا هايرفضوه ؟
أما اهتمامى بحكاية وفاء قسطنطين أنها أثبتت وبما لا يدع مجال للشك أن المتسترون بقناع المحبة هم أوسخ أهل الأرض بلا منازع وباقى البنات محدش قال اتقتلوا ومحدش قال هايطلعوا على قناة أجابى ومطلعوش ولا نسيتى تقوليلى من هو الفشار ؟
متعرفيش مين هو الفشار ؟
أنا اقول لما تسألى هاتعرفى مين الفشار
الفشار يباع الكيس منه بربع جنيه بعد قلى الذرة فى قليل من الزيت على نار هادئة وبهذا ستعرفين الفشار والفشار سيعجبكم
أما حكاية ماهر المعتصم وقيامه بالزواج من أربعة سيدات بصفته مسلم رغم ادعاء تنصره منذ السبعينات فهى واضحة ومش محتاجة أجيب صحيفة سوابقة يا شاطرة لأن صحيفة السوابق يا فاهمة مبيكونش مكتوب فيها الزيجات السابقة باعتباره من السوابق يعنى هذا أولا
أما ثانيا بقا وهو الأهم فمش معنى ان انا مجبتش صحيفة سوابقة انا انا اتهمته بلا دليل وهذا لايحدث من المسلمين يا أمورة والسؤال الأن أين الدليل ؟
وذكرت المحكمة أن المعتصم تزوج 4 مرات، أولها عام 1992 ثم فى أعوام 1993 و2001 و2006، من سيدات مسلمات بزيجات على الشريعة الإسلامية وبعقود موثقة مثبت بها ديانته الإسلام وإرادته السليمة للزواج، وأنه أنجب ولدا عام 1993 أسماه «على» وبنتا عام 1994 أسماها «دينا» حيث قام برضاه وإرادته بتسجيلهما مسلمين فى شهادتى ميلادهما.
بخصوص سؤالك يا أسماء انا عايز أناظرك ليه ، ده سؤال كويس جداً وبشرى خير منك أولاً يا أسماء المناظرة هي حوار راقي ومحترم بين شخصين كل واحد بيتكلم وبيقول رأيه ورأي دينه في مسألة معينة ، وده أسلوب الناس المحترمة عشان يصل كلا المتحاورين لنقاط التقاء مشتركة ممكن تنفعني أو تنفعك ، صدقيني يا أسماء انتي مش هتخسري حاجه ، مين عارف يمكن لما تعرضي عليا إللى عندك أعرف وأثق تماماً إنه حق وانا انسان مش مكابر هقبل بالحق إللي عندك ، أما بخصوص ردك عليا إن علمياً الشخص الذي يفكر بعقل الآخر هو شخص عبقري ده كلام خطأ يا أسماء ، ده دليل على أن الشخص الذي يستخدم تفكير الآخرين هو إنسان ضعيف الشخصية ولا توجد لديه قناعة برأيه وبعقله عشان كده بيستخدم عقول الآخرين في التفكير ، وانا بجد يا أسماء عايزك ترجعي تفكري بعقلك انا واثق من إنك إنسانة تقدري تعملي كده .
أما بخصوص نصيحتك ليا إني أكون صادق مع نفسي أنا فعلا صادق جداً مع نفسي ، والناس اللي انتي يا أسماء بتفكري بعقولهم وبتسمعي ليهم ورافضة تسمعي من أي مسلم ضحكوا عليكي وقالوا لك إنتي دلوقت خلاص مرتدة ولو حد شافك من المسلمين هيقتلك عشان يتقرب لله بدمك والكلام ده ، كل ده يا أسماء كلام فارغ حد الردة موجود فعلاً في الإسلام زي ما موجود في المسيحية واليهودية ، وزي ما هي موجودة نصوص واضحة وصريحة لقتل المرتد في العهدين القديم والجديد ، الفرق بقا عندنا يا أسماء إن المرتد ده لا يطبق عليه حد الردة إلا لو جاهر بردته وأعلن تخليه عن الإسلام أمام كل الناس وأعلن على الملأ بكفره ، وكمان يا أسماء لازم يكون ليه فترة استتابة يقعد معاه علماء الإسلام وكمان يا أسماء مش أي حد يقوم بقتله يعني مش أنا ولا أي واحد تاني زي ما انتي ما قلتي لاء يا أسماء إللي يعمل كده الحاكم أو ولي الأمر بعد ما يكون المرتد جاهر أمام الناس بردته ورفض جلسات الاستتابة وعلى فكرة يا اسماء عايز اقولك مفاجأة إن حد الردة هو حد من الحدود المعطلة يعني لا توجد دولة إسلامية في العالم أصلاً بتطبق دلوقت حد الردة يعني أصلاً حد الردة لا يطبق في مصر شوفتي بقا يا أسماء ... أما بخصوص كلامك الأخير إنك فضلتي تعلن إيمانك طيب يا أسماء وريني إيمانك اقنعيني بيه عرفيني إيه هو ناقشيني كإنسانة عاقلة صاحبة فكر وعقل من غير ما تستعيني بالناس إللي بتصورلك الكلام الفراغ اللي بتقوليه لو رجعتى للمسلمين هيقتلوكي والكلام الفاضي ده
يا أسماء انا لا زلت بعرض عليكي طلبي وبكرره تاني وتالت ورابع ممكن اناقش اسماء في مناظرة في أي موضوع هي تختاره وفي اي بلوج هي تختاره وفي أي وقت هي تحدده بس على شرط إني أتكلم مع ضمير وعقل وفكر أسماء ؟؟!!
.
بص يا اخ خالد بالنسبه للكلام الي انت بتقوله انا حاسه ان فيه مغالطات كتيره والمغالطات ديه ان المسلمين بيتهموا كل من ترك الاسلام بالجنون وضعف الشخصيه والمرض النفسي تفتكر هل ده معقول احنا وصلنا دلوقتي 3 مليون متنصر في مصر وحدها مش معقول كلنا عندنا امراض عقليه ونفسيه والغريبه ان الي بيتحول للاسلام علشان بس حب بنت مسلمه او بنت حبت شاب مسلم بيكونوا في منتهي العقل ليه مفيش اي حد من الناس دول المسبيحيين اتهموه بالجنون
ولو تفتكر مريان وكرستين ماقالوش احنا مقتنعين بالاسلام علشان اي سبب الا كونهم بقا عندهم اطفال وحياه يعني ده بيثبت انهم مسلمين لحد دلوقتي بس علشان تورطهم في العائلات
وكمان لو تشوف اعداد العائدين للمسيحيه حتقول ايه
وكمان في موضوع المناظرة انا ناظرت قبل كده ابو اسلام وكل الناس علي النت سمعتها واذا كان الشيخ نفسه ما عرفش يقنعني انت حتقدر الا اذا كان رايك ان ابو اسلام مش شيخ اساسا
ده رايك وانت حر فيه
وعندنا ايه في الكتاب المقدس بتقول المباحثات الرديئه تفسد الاخلاق الجيده
ده اول سبب
ممكن تدور علي النت علي المناظرة الي عملتها مع ابو اسلام ولو عندك حاجه هو ماقلهاش اتفضل
علي سبيل المثال بيقنعني ان الرجال قوامون علي النساء لان الراجل بيعرف ينط في الاتوبيس وهو ماشي وان الست بتخاف من الصرصار وبتترمي في حضن جوزها
وكمان المشكله انك لما اجي اتناظر مع حد مسلم بيقول ماهو الانجيل فيه وفيه وبيفسر الانجيل علي مزاجه وياريته بيعرف كمان يقرا الانجيل صح
في حين اني لما بعرض تفسير للقران بجيب تفسير ابن كثير او التفسيرات المعروفه لعامه المسلمين ويرجع المسلم يقول اني بفسر علي مزاجي
إرسال تعليق