كل الناس في العالم الاسلامي منتظرين خطاب الرئيس الامريكي المرتد عن الاسلام باراك حسين اوباما
وبصراحه انا مستغربه جدا ان مافيش حد وصفه بالمرتد لامن الحكومه المصريه ولا من شيوخ المسلمين ولا شيخ الازهر ولا اي حد صحيح الي ناس تخاف ما تختشيش
علي العموم اهلا وسهلا بيك في مصر في بلد الحضارة والعراقه والتاريخ الاسود في انتهاك حقوق الانسان
اهلا وسهلا بيك علي كل شبر في مصر سالت فيه دماء حقوق الانسان
اهلا وسهلا بيك في بلد لا يعترف الا بالارهاب والتطرفاهلا وسهلا بيك في بلد لايعرف الاقانون الفساد
اهلا وسهلا بيك في بلد استقبلتك فيه علشان تاخد من بلدك المعلوم كل سنه
اهلا وسهلا بيك في بلد لو مكنتش جاي فيها علي اساس انك رئيس امريكا كان زمانك محلول دمك
اهلا وسهلا بيك في بلد بتقول ان كل المتنصرين الي زيك مختلين عقليا ومرضي نفسيين ومكانهم هو مستشفي المجانين
اهلا وسهلا بيك في بلد الاهرامات بس مش بتوع الجيزة لا اهرامات الزباله الي اتشالت بس علشان سعادتك جاي
اهلا وسهلا بيك في بلد يطبق قانون الطوارئ فنصحتي ليك خلي باسبورك في جيبك لا تتاخد تحري لان شاكلك مش عاجب الباشا
اهلا وسهلا بيك في وطن يهجره ابنائه لانهم باختصار مش بيتعاملوا كادميين في بلادهم وبيفضلوا انهم يتعاملوا كلاجئين في بلدك
بس وانت ماشي بالمدرعه بتاعتك ابقا بص من الشباك لو شفت واحد مصري من الشعب ابقا فكر هو ليه شايل الهم مع انه مش شغلك ده شغل الريس مبارك بارك الله فيه واده له علي اد نيته كمان وكمان
وارجع لبلدك وقولهم احمدوا ربنا انكم بني ادمين وبتتعاملوا كبني ادميين
وانت قاعد بتشرب الشاي مع الريس ابقا اساله هو المعتفلات لسه فيها مكان فاضي لحد
واساله عن اخواتك المتنصرين يا تري لسه فيه منهم ناس بره مستشفيات الامراض العقليه او بره السجون
والا اقولك انت حتوجع دماغك ليه انت راجل ضيف جاي تقول الكلمتين الي عندك وتاخد واجبك وترجع بلدك وتنعم بالحريه وتنام وتملي عنيك نوم لانك مش خايف من حد يجي يقبض عليك والايموتك
وما تنساش وانت هناك انك تصلي لمصر وابقا قول للريس الرب يباركك واوعي تنسي تعزيه في حفيده واساله كام حفيد مات بسبب ظلمك
وانت في الجامع اوعي تنسي تفتكر ازاي الرب يسوع خرجك من الهم الاسلامي واشكر الرب يسوع انك ابنه
صدقني كان نفسي ابقا في استقبالك هناك بس للاسف مابقاش ليا في بلدي مكان
افرحي يا مصر المرتد حيزورك واسمعوا الكلام الي هو جاي يقوله للعالم الاسلامي كله بس اوعوا تفتكروا انه حيبيع لكم اسرائيل
